पिरंगुट, ता. ११ : मुलखेड (ता. मुळशी) येथील ग्रामपंचायतीच्या सरपंचपदी राहुल बाळू तापकीर यांची बिनविरोध निवड झाली. श्रीकांत तापकीर यांनी ठरल्याप्रमाणे राजीनामा दिल्याने हे पद रिक्त झाले होते. या रिक्त जागी राहुल तापकीर यांची निवड करण्यात आली.
निवडणूक अधिकारी म्हणून संदीप गायकवाड यांनी तर मदतनीस म्हणून ग्रामपंचायत अधिकारी अर्चना धुपदाळे यांनी काम पाहिले. यावेळी सुखदेव तापकीर, श्रीकांत तापकीर, सीमा तापकीर, प्रियांका तापकीर, करुणा तापकीर व कविता राजेंद्र तापकीर आदी सदस्य उपस्थित होते. निवडीनंतर तापकीर यांचा ग्रामस्थांच्या वतीने सन्मान करण्यात आला.
तापकीर म्हणाले, ‘‘ग्रामपंचायतीचे सर्व सदस्य सहकारी, ज्येष्ठ नागरिक तसेच तरूणांच्या सहकार्याने येथील विकासासाठी प्रयत्नशील राहणार आहे. ’’