पिरंगुट, ता. २९ : पुणे जिल्हा शिक्षण मंडळाचे अध्यक्ष असताना सन २००८मध्ये अजित पवार यांनी पिरंगुट (ता. मुळशी) येथील शाळेला अचानक भेट दिली होती. त्यावेळी तेथील नवीन इमारतीच्या बांधकामाची पाहणी बारकाईने केली. त्यानंतर शाळेच्या शेतीवर जाऊन तेथील परिसराचीही पाहणी केली. तेथील सपाटीकरणावेळी काही झाडे उखडावी लागली होती. दादांनी ही सर्व झाडे त्याच परिसरात पुन्हा दुसरीकडे रोपण करण्याची सूचना दिली होती. त्यानंतर लगेचच त्या झाडांचे जेसीबीच्या साह्याने पुनर्रोपण करण्यात आले. आजही ही झाडे दादांच्या आठवणींची साक्ष देतात.