पिरंगुट, ता. ३१ : लवळे (ता. मुळशी) येथील सकल हिंदू समाज आणि लवळे ग्रामस्थांच्या वतीने श्रीराम नवमी उत्साहात साजरी करण्यात आली. पहाटे श्रीराम मंदिरात मूर्तींना अभिषेक करण्यात आला. दुपारी रामजन्म सोहळा पार पडला. सायंकाळी येथील जिल्हा परिषद प्राथमिक शाळेच्या मैदानावर ५५१ विवाहित जोडप्यांच्या उपस्थितीत संकल्प सिद्धी पूजा, रामरक्षा स्त्रोत्र पठण, महायज्ञ, गोमाता पूजन आणि महाराष्ट्र राज्य गोहत्या मुक्त व्हावे यासाठी महाआरती करण्यात आली. यावेळी संग्राम बाप्पू भंडारे यांनी मार्गदर्शन केले.