पिरंगुट , ता. २५ : लवळे (ता. मुळशी) येथे श्रीकृष्ण जन्माष्टमी सोहळ्यानिमित्त अखंड हरिनाम सप्ताहाचे आयोजन करण्यात आले आहे. शनिवार (ता. २९) ते शनिवार (ता. ५) या कालावधीत पार पडणाऱ्या या सप्ताहात रोज सकाळी ४ ते ६ वाजता काकड आरती, सकाळी ६ वाजता श्री विठ्ठल रुक्मिणी पूजा व आरती, दुपारी ४ ते ५ हरिपाठ, सायंकाळी ६.३० ते ८.३० वाजता कीर्तन होणार आहे.
शनिवारी (ता. २९)मनोज पारखी, रविवारी (ता. ३०) प्रशांत आळंदीकर, सोमवारी (ता. ३१) राहुल गरूड, मंगळवारी (ता. १) सारिका कुदळे, बुधवारी (ता. २) संतोष पांढरे, गुरुवारी (ता. ३) अतुल कळमकर यांचे कीर्तन होणार आहे. शुक्रवारी (ता. ४) रात्री १० ते १२ या कालावधीत चंद्रकांत मारणे यांचे श्रीकृष्ण जन्माचे तर शनिवारी (ता. ५) दशरथ मानकर यांचे काल्याचे कीर्तन होणार आहे. लवळे भजनी मंडळ, लवळे महिला भजनी मंडळ व ग्रामस्थांनी संयोजन केले आहे.