राहू, ता.५ : राहू (ता.दौंड) येथे ४५ दिव्यांग बांधवांना नुकतेच सहायता निधीचे वाटप करण्यात आले. सरपंच दिलीप देशमुख, ग्रामसेवक प्रकाश जाधव यांच्या हस्ते त्याचे वितरण करण्यात आले.
राहू ग्रामपंचायतीकडून एकूण उत्पन्नाच्या पाच टक्के दिव्यांगांना एक लाख दोन हजार पाचशे दहा रुपयांच्या निधीचे वाटप करण्यात आले. परिसरातील दिव्यांगांना शासनाच्या वैयक्तिक लाभाच्या योजना देखील दिल्या आहेत. जे कोणी लाभांपासून वंचित असेल त्यांनी ग्रामपंचायत कार्यालयाशी संपर्क साधून आवश्यक त्या कागदपत्रांची पूर्तता करावी, असे आवाहन सरपंच दिलीप देशमुख, ग्रामसेवक प्रकाश जाधव यांनी केले.
यावेळी उपसरपंच गणेश शिंदे, ग्रामपंचायत सदस्य सतीश नवले, रवींद्र कदम, ज्ञानेश्वर शिंदे,सुनंदा शिंदे यांच्यासह दिव्यांग बांधव उपस्थित होते.

02615