पुणे

राजगुरुनगर बॅंकेला ‘एफएसडब्ल्यूएम’ दर्जा

CD

राजगुरुनगर, ता. ११ : राजगुरुनगर सहकारी बँक आता रिझर्व्ह बँकेच्या निकषांनुसार ‘फिनान्शियली साउंड अँड वेल मॅनेज्ड बँक’ (एफएसडब्ल्यूएम) म्हणजे आर्थिकदृष्ट्या सुदृढ आणि सुव्यवस्थापित बँक झाली आहे. त्यामुळे बँक व्यवसाय विस्तारास चालना मिळणार आहे, असे बँकेचे अध्यक्ष दिनेश ओसवाल यांनी सांगितले.
रिझर्व्ह बँक ऑफ इंडियाचे ‘एफएसडब्ल्यूएम’ संदर्भातील ठरवून दिलेले निकष जर एखादी बँक पूर्ण करीत असेल, तर बँकेने तसे घोषित करून रिझर्व्ह बँकेला माहिती द्यायची असते. राजगुरुनगर सहकारी बँकेची बुधवारी संचालक मंडळाची बैठक झाली. त्या बैठकीत संचालक मंडळाने बँकेच्या २०२४-२०२५ या आर्थिक वर्षाच्या वैधानिक लेखापरीक्षणाच्या प्रमाणित आर्थिक पत्रकांच्या निष्कर्षांनुसार, राजगुरुनगर सहकारी बँक आर्थिकदृष्ट्या सुदृढ आणि सुव्यवस्थापित बँक असल्याचा ठराव मंजूर केला. तसेच, रिझर्व बँकेच्या आर्थिकदृष्ट्या सुदृढ आणि सुव्यवस्थापित बँक वर्गीकरण करण्याच्या नियमांचे अवलोकन करून ‘एफएसडब्ल्यूएम’ बाबतच्या सुधारित निकषांचे पालन केल्याचा ठराव केला. बैठकीला अध्यक्ष दिनेश ओसवाल, उपाध्यक्ष अविनाश कहाणे, व्यवस्थापन मंडळाचे अध्यक्ष किरण आहेर, मुख्य कार्यकारी अधिकारी शांताराम वाकचौरे आणि अन्य संचालक व अधिकारी उपस्थित होते.
राजगुरुनगर सहकारी बँक इंटरनेट बँकिंग सुविधेसाठी प्रस्ताव देणारी उत्तर पुणे जिल्ह्यातील पहिली नागरी सहकारी बँक आहे. तसेच दिवसेंदिवस व्यवसायात होणाऱ्या वाढीच्या आणि आर्थिक गुणवत्तेच्या जोरावर बँक शेड्यूल्ड बँकेचा दर्जा मिळविण्याकामी मार्गक्रमण करत आहे. बँकेचा २९५२ कोटींचा व्यवसाय पूर्ण झाला असून, अल्पावधीतच बँक ३००० कोटींचा टप्पा गाठेल. बँक एक दोन महिन्यातच ३ हजार कोटींच्या व्यवसायाचा टप्पा गाठेल. सलग दुसऱ्या वर्षी नेट एनपीए शून्य टक्के राखण्यात बँकेला यश मिळाले आहे. नुकतेच बँकेच्या १८व्या शाखेचे उद्‍घाटन झाले असून येत्या वर्षभरात बँक अजून २ शाखा उघडेल. तंत्रज्ञानात बँक अग्रेसर असून दैनंदिन डिजिटल ट्रान्झेक्शन सुमारे ५० हजार होत आहेत, अशी माहिती अध्यक्ष ओसवाल यांनी दिली.‌

‘एफएसडब्ल्यूएम’मुळे पुढीलप्रमाणे वाव
- कार्यक्षेत्र राज्याव्यतिरिक्त अन्य राज्यात व्यवसायाच्या संधी
- नियमांस अधीन राहून स्वेच्छेने शाखा विस्तार करता येईल.
- नवीन सेफ डिपॉझिट लॉकरसह एक्स्टेंशन काऊंटर उघडता येतील. एक्स्टेंशन काउंटरचे ठराविक व्यवसाय वाढीनंतर शाखेत रूपांतर करता येईल.
-ऑफसाईट एटीएम सुविधा सुरु करता येईल.
- बँकेला शाखा स्थलांतर करता येईल.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Home Loan Interest Rate: एसबीआयनंतर 'या' बँकेचाही झटका! गृहकर्जाचे दर वाढले, सामान्यांना दिलासा नाही

माेठी बातमी! 'राज्यामध्ये दीड कोटी लाभार्थींचे धान्य बंद'; ई-केवायसीअभावी पुरवठा विभागाकडून कारवाई

Child Marriage : महाराष्ट्रात पुन्हा बालविवाह! कायद्याला चुकवून अल्पवयीन मुलीचं लग्न अन् अत्याचार, सात महिन्यांची गर्भवती

Vice President Election : NDA चा ‘राजकीय डाव’! उपराष्ट्रपतीपदासाठी सी. पी. राधाकृष्णन यांना उमेदवारी, सध्या आहेत महाराष्ट्राचे राज्यपाल

Shashikant Shinde: शासनाने ओला दुष्काळ जाहीर करावा : प्रदेशाध्यक्ष शशिकांत शिंदे; 'शेतकऱ्यांसाठी दोन दिवसाचे विशेष अधिवेशन बोलवावे'

SCROLL FOR NEXT