राजगुरुनगर, ता. ४ : येथील खेड तालुका एज्युकेशन सोसायटी संचालित महात्मा गांधी विद्यालय व कनिष्ठ महाविद्यालयात गुरुवारी (ता. ४) अपूर्व विज्ञान मेळावा व शाळास्तरीय विज्ञान प्रदर्शन झाले. प्रदर्शनात आरोग्य, कृषी, दळणवळण, ऊर्जा, जल व्यवस्थापन, तंत्रज्ञान, सुरक्षा, संसाधन व्यवस्थापन या विषयांवर विद्यार्थ्यांनी १८२ नावीन्यपूर्ण प्रकल्प सादर केले.
प्रदर्शनाचे उद्‍घाटन खेड तालुका एज्युकेशन सोसायटीचे उपाध्यक्ष अजित लुणावत, संचालक हिरामण सातकर, सुरेखा श्रोत्रीय, डॉ. प्रदीप शेवाळे, ऊर्मिला सांडभोर, स्वानंद खेडेकर यांच्या हस्ते झाले. याप्रसंगी विद्यालयाच्या प्राचार्या संध्या कांबळे, उपमुख्याध्यापिका अस्मिता पाठक, पर्यवेक्षक रेखा जाधव, सोपान निसरड, हौशीराम मुठे, सुनीता ठाकूर, लतीफ शाह, कनिष्ठ महाविद्यालयाचे विभाग प्रमुख दशरथ पिलगर व पर्यवेक्षक संदेश जाधव आदी उपस्थित होते. विज्ञान प्रदर्शन विभाग प्रमुख जयंत शिंदे यांनी प्रदर्शनाचे नियोजन, तर विज्ञान अध्यापक कांचन शेलार, संध्या कातळे, गणपत घारे, रवींद्र घनवट आदींनी सहकार्य केले.