राजेगाव, ता. ४ : वाटलूज (ता. दौंड) येथील भैरवनाथ दिंडी सोहळा भजनी मंडळासाठी टाळ, मृदंग, विना, हार्मोनिअम आदी भजन साहित्य भेट देण्यात आले. आमदार राहुल कुल यांच्या वतीने देण्यात आले हे साहित्य माजी आमदार रंजना कुल यांच्या हस्ते वितरित करण्यात आले.
भजन साहित्य उपलब्ध झाल्याने वारकरी मंडळींनी समाधान व्यक्त केले. यावेळी माजी अध्यक्ष कालिदास कदम, हनुमंत शेंडगे, अतुल शेंडगे, माजी सरपंच युवराज शेंडगे, औदुंबर कदम, माणिक महाराज काटकर, फुलचंद शेंडगे, उमेश कदम आदी उपस्थित होते.
गेली दहा वर्षांपासून वाटलूज येथून दिंडी सोहळ्याची परंपरा आहे. भजनी मंडळाला साहित्य देण्याची मागणी भजनी मंडळाकडून होत होती. आमदार राहुल कुल यांनी भजन साहित्य दिल्याने खूप दिवसांची मागणी पूर्ण झाली आहे, असे वाटलूजचे अतुल शेंडगे यांनी सांगितले.

00208