राजेगाव : स्वामी चिंचोली (ता. दौंड) येथे रोटरी क्लब भिगवण आणि दौंड, ग्रामपंचायत स्वामी चिंचोली आणि श्रीरामचंद्र देवस्थान यांचे संयुक्त विद्यमाने स्वातंत्र्य दिनाचे औचित्य साधून महाआरोग्य शिबिराचे आयोजन करण्यात होते. या शिबिरास माजी आमदार रंजना कुल, आमदार राहुल कुल उपस्थित होते. यावेळी आयोजकांचे वतीने रामदास बुवा स्वामी यांचे हस्ते स्वागत करण्यात आले. शिबिरामध्ये ४५० जणांचे डोळे, रक्तदाब, साखर तपासणी करण्यात आली. यावेळी सरपंच पूनम मदने, माया झोळ, शीतल इनामदार, उमेश इमानदार, गौतम इनामदार, सीताराम ननवरे, मच्छिंद्र मदने, अझरुद्दीन शेख, रोटरी क्लब सदस्य, ग्रामस्थ उपस्थित होते. मच्छिंद्र मदने यांनी स्वातंत्र्यदिनाच्या शुभेच्छा देऊन आभार मानले.