राजेगाव : रावणगाव (ता. दौंड)ग्रामपंचायतीमध्ये ‘हर घर तिरंगा’ अभियान राबवण्यात आले. सरपंच निर्मला आटोळे यांच्या हस्ते ध्वजवंदन करून मानवंदना देण्यात आली. यावेळी उपसरपंच भाऊसाहेब आटोळे, दौंड पंचायत समितीचे माजी उपसभापती उत्तमराव आटोळे, ग्रामपंचायत सदस्य हौशीराम आटोळे, पोपट फाजगे, राजेंद्र गावडे, दिनकर आटोळे ,संजय गाढवे, गेनदेव आटोळे, पोलिस कर्मचारी, कृषी कन्या श्रावणी नांगरे, साक्षी नवले, स्वप्ना लोखंडे, समृद्धी सातपुते, ग्रामपंचायत कर्मचारी शिवलाल शेळके, दीपक चव्हाण, काळू फाजगे आदी उपस्थित होते. सरपंच निर्मला आटोळे म्हणाल्या की, एकल महिलांना समाजात सन्मानाने जगता यावे, यासाठी ग्रामपंचायतीकडून छोटासा प्रयत्न म्हणून त्यांचा सन्मान ग्रामपंचायतीने केला, असे त्यांनी नमूद केले. ग्रामपंचायत अधिकारी स्वाती लोंढे म्हणाल्या की, महिला सक्षमीकरणाच्या दृष्टीने गावातील एकल महिलांचे सर्वेक्षण करून, त्यांच्या समस्या सोडवण्यासाठी योग्य त्या उपाययोजना तसेच शासकीय योजनांचा लाभ देण्यासाठी ग्रामपंचायत प्रयत्नशील आहे, असे त्यांनी नमूद केले.