रांजणगाव सांडस, ता. २९ : उरळगाव (ता. शिरूर) येथे ग्रामस्थ व आनंद ऋषीजी ब्लड सेंटर अहिल्यानगर यांच्या संयुक्त विद्यमाने शनिवारी (ता. २८) घेतलेल्या रक्तदान शिबिरात ७१ जणांनी रक्तदान केले. येथील विठ्ठल रुक्मिणी मंदिरात हे रक्तदान शिबिर घेण्यात आले. या शिबिरात सुमारे ७१ रक्तदात्यांनी रक्तदान केले. याप्रसंगी सोमनाथ बांडे, नीलेश सात्रस, भीमराव कुदळे, सागरशेठ गिरमकर- पाटील, संतोष सात्रस, अमोल बांडे, पंढरीनाथ बांडे, भाऊसाहेब कोकडे, ऋषिकेश बांडे, अशोक कोळपे, समशेर शेख, सागर कोळपे, तुषार सात्रस, गौरव सात्रस, अप्पासाहेब जाधव, अय्यान सय्यद यांचे सहकार्य लाभले. कुंडलिक कोकडे, मयूर बांडे यांनी रक्तदात्यास अल्पउपहार दिला. नीलेश अनिल सात्रस यांनी जेवणाची व्यवस्था केली. भीमराव कुदळे यांनी सर्व रक्तदान करणाऱ्या रक्तदात्यांचे आभार मानले.