रांजणगाव सांडस : उरळगाव (ता.शिरूर) येथे ध्वजवंदन, प्रभात फेरी, गुणवंत विद्यार्थ्याचा सन्मान, रांगोळीतून जनजागृती आदी कार्यक्रमाने स्वातंत्र्यदिन साजरा करण्यात आला. येथील ग्रामपंचायतीचे ध्वजवंदन सरपंच स्वप्नील गिरमकर यांच्या हस्ते झाले.
शिवशक्ती तरुण मंडळाचे ध्वजवंदन तंटामुक्तीचे अध्यक्ष कैलास सात्रस, जिल्हा परिषद प्राथमिक शाळेचे ध्वजवंदन संतोष धुमाळ तसेच पुणे जिल्हा शिक्षण मंडळाचे न्यू इंग्लिश स्कूल विद्यालयाचे ध्वजवंदन उपसरपंच लंकाताई सचिन पाचुंदकर यांच्या हस्ते झाले. जिल्हा परिषद प्राथमिक शाळेत सामूहिक झालेल्या कार्यक्रमाच्या अध्यक्षस्थानी भानुदास शिंदे होते. यावेळी माजी आदर्श सरपंच सुनील सात्रस, उद्योजक अविनाश सात्रस, माजी सरपंच मोहन सात्रस, माजी उपसरपंच स्वाती शशिकांत कोकडे, दशरथ आफळे, सोसायटीचे अध्यक्ष राजेंद्र गिरमकर, माजी उपसरपंच सागर गिरमकर, राणी बांडे, भाऊसाहेब कोकडे, गजानन जांभळकर आदी उपस्थित होते. दहावीमध्ये उल्लेखनीय गुण मिळवलेल्या ज्ञानेश्वरी कोळपे, गायत्री पाचुंदकर, कार्तिक कुदळे या विद्यार्थ्यांचा सन्मान करण्यात आला. जिल्हा परिषद प्राथमिक शाळेच्या मंथन परिषदेमध्ये यश मिळालेल्या विद्यार्थ्यांचा, उपमुख्यमंत्री अजित पवार यांच्या वाढदिवसानिमित्त घेतलेल्या निबंध, चित्रकला, रांगोळी स्पर्धेतील प्रथम तीन क्रमांकाच्या विद्यार्थ्यांना व विविध स्पर्धेतील विद्यार्थ्यांना गौरविले. मुख्याध्यापक बी.बी. दौंडकर व जिल्हा परिषद शाळेचे मुख्याध्यापक अशोक लंघे यांनी प्रास्ताविक केले.