रांजणगाव सांडस, ता. १४ : पारोडी-शिवतक्रार म्हाळुंगी (ता. शिरूर) ग्रुप ग्रामपंचायतीच्या उपसरपंचपदी दत्तात्रेय शिवले यांची मंगळवारी(ता.१४) बिनविरोध निवड झाली. विभागीय आयुक्त कार्यालयाने दिलेल्या आदेशानुसार ही निवडणूक घेण्यात आली.
सरपंच वर्षा येळे यांच्या अध्यक्षतेखाली झालेल्या ग्रामपंचायत कार्यालयातील निवडणुकीत शिवले यांचा एकमेव अर्ज आल्याने त्यांची बिनविरोध निवड झाल्याचे निवडणूक निर्णय अधिकारी व्ही. ए. माने यांनी जाहीर केले. याप्रसंगी अविनाश येळे, दीपाली कवितके, शशिकांत कोकरे, पल्लवी शिवले, लालासाहेब येळे, दादा शिवले, नामदेव शिवले, विवेक सातकर, विकास टेमगिरे, हरिभाऊ टेमगिरे आदी उपस्थित होते.