इंदापूर, ता. १२ : भाजप नेते व माजी मंत्री हर्षवर्धन पाटील यांनी मुंबईत बुधवारी (ता. ११) मुख्यमंत्री एकनाथ शिंदे व उपमुख्यमंत्री देवेंद्र फडणवीस यांची भेट घेतली. त्यात इंदापूर तालुक्यातील विविध विकास कामांसाठी निधीची कमतरता भासू दिली जाणार नाही, अशी ग्वाही मुख्यमंत्री व उपमुख्यमंत्री यांनी दिली.
याबाबत पाटील यांनी सांगितले की, इंदापूर तालुक्यातील विविध विकास कामांसंदर्भात मुख्यमंत्री शिंदे व उपमुख्यमंत्री फडणवीस यांच्याशी सकारात्मक चर्चा झाली. तसेच, फडणवीस यांच्याबरोबर भाजप पक्षसंघटना बळकटीकरणासंदर्भातही संवाद झाला. या दोन्ही भेटीप्रसंगी निहार ठाकरे, नीरा भीमा कारखान्याचे संचालक राजवर्धन पाटील उपस्थित होते.