इंदापूर, ता. २३ : भगवान गौतम बुद्ध यांची जयंती इंदापूर मध्ये उत्साहात साजरी करण्यात आली. यानिमित्त डॉ. बाबासाहेब आंबेडकर जयंती महोत्सव समितीकडून भव्य मिरवणुकीचे आयोजन केले होते.
यावेळी जयंतीनिमित्त मान्यवरांच्या हस्ते प्रतिमा पूजन तसेच सामूदायिक बुद्धवंदना, बुद्ध पुजा पाठ शहरातील जेतवन बुद्धविहार डॉ. बाबासाहेब आंबेडकर नगर येथे घेण्यात आला. तसेच तथागत गौतम बुद्ध यांच्या नूतन भव्य बुद्ध मूर्तीचा अनावरण सोहळा पार पडला. त्यानंतर जेतवन बुद्ध विहार ते इंदापूर नगरपरिषद येथील डॉ. बाबासाहेब आंबेडकर पुतळा अशी भव्य मिरवणूक काढली. या सर्व उपक्रमाचे आयोजन डॉ. बाबासाहेब आंबेडकर जयंती महोत्सव समिती इंदापूर यांचे वतीने केले होते.