इंदापूर, ता.१६ : पुणे, सोलापूर आणि अहिल्यानगर जिल्ह्यांसाठी वरदान असणाऱ्या उजनी धरणातून सोमवारी (ता.१७) रोजी सकाळी ९ वाजल्यापासून सोलापूरसाठी वीज निर्मितीच्या माध्यमातून १६०० क्यूसेक पाण्याचा विसर्ग भीमा नदीत सोडण्यात येणार आहे.
नदीमध्ये सोडण्यात येणाऱ्या पाण्याच्या विसर्गामध्ये टप्प्याटप्प्याने वाढ करण्यात येणार असल्याची माहिती उजनी धरण नियंत्रण कक्षाचे वतीने देण्यात आली. यामुळे संबंधित यंत्रणांच्या माध्यमातून नदीकाठच्या गावांना सतर्कतेचा इशारा देण्यात आला आहे. नागरिकांनी नदी पात्रात न उतरता काळजी घेण्याचे आवाहन करण्यात आले आहे.
दरम्यान, याबाबत देण्यात आलेल्या आदेशानुसार ३० जानेवारी २०२५ सोलापूर जिल्ह्याचे पालकमंत्री जयकुमार गोरे यांच्या अध्यक्षतेखाली सोलापूर येथे झालेल्या बैठकीमध्ये जिल्हास्तरीय आकस्मिक पिण्याचे पाणी आरक्षण समितीचे बैठक संपन्न झाली यामध्ये झालेल्या निर्णयानुसार भीमा नदी काठच्या गावातील पिण्याचे पाणीपुरवठा योजनांसाठी सोमवारी (ता.१७) सकाळी नऊ वाजल्यापासून धरण विद्युतगृहामधून सुरुवातीस १६०० क्यूसेस इतका विसर्ग सोडण्यात येणार आहे. सदर विसर्गामध्ये टप्याटप्यामध्ये वाढ करून ६ हजार क्यूसेक इतका करण्यात येणार आहे. त्या अनुषंगाने सुरक्षतेच्या दुष्टीने धरणाखालील भीमा नदी काठच्या सर्व नागरीकांना ससतर्कतेचा इशारा देत नदीपात्रात कोणीही उतरू नये आणि नदी मधील शेती पंप, नदीकाठचे शेती अवजारे व तत्सम साहित्य अथवा जनावरे असल्यास तत्काळ हलविण्यात यावेत व सर्वांनी योग्य ती दक्षता घ्यावी याकामी पाटबंधारे विभागास सहकार्य करावे असे आवाहन उजनी धरण पूरनियंत्रण कक्षाच्या वतीने करण्यात आले आहे.

उजनी धरणाची क्षमता १२३ टीएमसी आहे.सध्या धरणात एकूण पाणीसाठा ९८.०८ टीएमसी यामधील उपयुक्त पाणीसाठा ३४.४२ टीएमसी पाणीसाठा उजनी जलाशयांमध्ये उपलब्ध आहे.
-
धरणातील रविवारपर्यंतची स्थिती
एकूण पाणी पातळी.......४९५.०९०मीटर
एकूण पाणीसाठा.......२७७७.५६ घनमीटर (९८.०८ टीएमसी)
उपयुक्त जलसाठा.......९७४.७५ घनमीटर
(३४.४२ टीएमसी).......६४.२५ टक्के

08252, 08250