सोमेश्वरनगर, ता. ४ : सुपे (ता. बारामती) येथील सुपुत्र आणि व्हीएसआयचे विभागप्रमुख राजेंद्र चांदगुडे यांची नवी दिल्ली येथील ‘द शुगर टेक्नॉलॉजिस्ट्स असोसिएशन ऑफ इंडिया’ या नामांकित संस्थेच्या कौन्सिल सदस्यपदी बिनविरोध निवड झाली. मध्यप्रदेश, महाराष्ट्र, गोवा यांसह पाच राज्यांच्या कार्यक्षेत्रातून त्यांची ही निवड झाली. साखर उद्योगातील प्रदीर्घ अनुभव आणि तांत्रिक कौशल्यामुळे त्यांना ही संधी मिळाली आहे. चांदगुडे यांनी ३० हून अधिक देशांत तांत्रिक सल्लागार म्हणून काम केले असून, त्यांचे ५० हून अधिक शोधनिबंध प्रसिद्ध झाले आहेत. गोवा येथील वार्षिक सभेत ते अधिकृतपणे पदभार स्वीकारतील. यामुळे साखर उद्योगातील आधुनिक नवोपक्रमांना गती मिळण्याची शक्यता आहे.

05581