सुपे, ता. ५ : सुपे (ता. बारामती) येथील जीवन साधना फाउंडेशन संचलित प्राजक्ता मतिमंद निवासी शाळेतील विद्यार्थ्यांना दैनंदिन गरजेचे साहित्य वाटप करण्यात आले. शिवसंग्राम पक्षाचे संस्थापक अध्यक्ष दिवंगत आमदार विनायकराव मेटे यांच्या जयंतीदिनाचे औचित्य साधून नुकताच हा कार्यक्रम घेण्यात आला. गेल्या सुमारे २३ वर्षापासून ग्रामिण भागात गरीब, गरजू दिव्यांग विद्यार्थ्यांसाठी प्रतिकूल परिस्थितीत चालवलेल्या या निवासी शाळेला आवश्यकती मदत करणार असल्याची ग्वाही या वेळी शिवसंग्रामचे प्रदेश उपाध्यक्ष वसंतराव साळुंके यांनी या वेळी दिली. दरम्यान, विद्यार्थ्यांना खाऊ वाटप केला. याप्रसंगी तालुकाध्यक्ष संजय शिंदे, कुसेगावचे माजी सरपंच मनोज फडतरे, चंद्रकांत काळे आदी उपस्थित होते.