सुपे, ता. ४: सुपे (ता.बारामती) येथील मोरगाव रस्त्यावर मालट्रक व मोटारीचा शुक्रवारी (ता. ३) रात्री अपघात झाला. यामध्ये मोटारचालक महेश दत्तात्रेय बारवकर (वय ३०, रा. सुपे, ता. बारामती) यांचा मृत्यू झाला. अपघातानंतर ट्रक चालक फरार झाला आहे. याबाबत सुपे पोलिस ठाण्यात रात्री उशिरापर्यंत गुन्हा नोंदविण्याचे काम सुरू आहे.
दरम्यान, मिळालेल्या माहितीनुसार मयत झालेले बारवकर मोरगावकडून मोटारीने सुप्याच्या दिशेने येत होते. तर ट्रकची सुप्याकडून मोरगावकडे जात होता. यावेळी सुपे येथे मालवाहू ट्रकची धडक मोटारीला जोरदार धडक बसली. अपघातात बारवकर गंभीर जखमी झाले. त्यांना तातडीने बारामतीला खासगी रुग्णालयात उपचारासाठी हलवण्यात आले. मात्र, उपचार सुरू असताना त्यांचा मृत्यू झाला. त्यांच्या मागे पत्नी, दोन लहान मुलगे असा परिवार आहे. बारवकर आचारी काम करत होते.

02239