सासवड, ता. १६ : पुरंदर तालुक्यातील जिल्हा परिषद गट आणि पंचायत समितीच्या गणांची प्रारूप प्रभागरचना जिल्हाधिकारी जितेंद्र डुडी यांनी नुकतीच जाहीर केली आहे. विशेष म्हणजे, या प्रभागरचनेत पूर्वीचेच जिल्हा परिषदेचे चार गट आणि पंचायत समितीचे आठ गण कायम ठेवण्यात आले असून, त्यात कोणताही बदल करण्यात आलेला नाही. या प्रारूप गट-गण रचनेबाबत नागरिकांना २१ जुलैपर्यंत हरकती आणि सूचना नोंदवता येणार आहेत. यापूर्वीही पुरंदरमध्ये चार जिल्हा परिषद गट आणि आठ पंचायत समिती गण होते. नव्या रचनेत तेच गट आणि गण ‘जैसे थे’ ठेवले आहे, केवळ वीर गणाचे नाव मांडकी झाले आहे.

गट व गणनिहाय समाविष्ट गावांचा तपशील
१. गराडे-दिवे जिल्हा परिषद गट
गराडे पंचायत समिती गण : भिवरी, पठारवाडी, आस्करवाडी, थापेवाडी, वारवडी, गराडे, सोमुर्डी, कोडीत बुद्रूक, बोपगाव, चांबळी, हिवरे, कोडीत खुर्द.
दिवे पंचायत समिती गण : झेंडेवाडी, दिवे, जाधववाडी, काळेवाडी, पवारवाडी, सोनोरी, आंबोडी, वनपुरी, उदाचीवाडी, गुऱ्होळी, सिंगापूर, वाघापूर, आंबळे, टेकवडी, कुंभारवळण.

२. माळशिरस-बेलसर जिल्हा परिषद गट
माळशिरस पंचायत समिती गण : रानमळा, कोथळे, धालेवाडी, पिंपरी, नाझरे सुपे, नाझरे क.प., माळशिरस, नायगाव, पांडेश्वर, पोंढे, राजुरी, पिसे, रिसे, मावडी सुपे.
बेलसर पंचायत समिती गण : भोसलेवाडी, खळद, शिवरी, एखतपूर, मुंजवडी, खानवडी, वाळूंज, तक्रारवाडी, बेलसर, निळूंज, पारगाव, राजेवाडी, पिसर्वे.

३. मांडकी-भिवडी जिल्हा परिषद गट
भिवडी पंचायत समिती गण : केतकावळे, कुंभोशी, घेरा पुरंदर, मिसाळवाडी, देवडी, चिव्हेवाडी, पूर-पोखर, काळदरी, बांदलवाडी, पानवडी, बहिरवाडी, दवणेवाडी, धनकवडी, मांढर, हरगुडे, पांगारे, खेंगरेवाडी, शिंदेवाडी, बोऱ्हाळवाडी, पिंपळे, सुपे खुर्द, भिवडी.
मांडकी पंचायत समिती गण : तोंडल, माहूर, सटलवाडी, परिंचे, नवलेवाडी, वीर, माळवाडी, समगीर वस्ती, लपतळवाडी, हरणी, मांडकी, पिसुर्टी, जेऊर.

४. नीरा शिवतक्रार-कोळविहिरे जिल्हा परिषद गट
कोळविहिरे पंचायत समिती गण : साकुर्डे, पिंगोरी, दौंडज, जेजुरी ग्रामीण, कोळविहिरे, जवळार्जुन, मावडी कडेपठार, नावळी, राख, कर्नलवाडी, गुळुंचे.
नीरा शिवतक्रार पंचायत समिती गण : वाल्हे, वागदरवाडी, आडाचीवाडी, सुकलवाडी, पिंपळे खुर्द, थोपटेवाडी, नीरा शिवतक्रार.