सासवड, ता. ३ : कुंभारवळण (ता. पुरंदर) येथे सासवड पोलिसांनी छापा टाकून अवैध दारू विक्री करणाऱ्या एका महिलेला अटक केली. आरोपी सुनीता समीर कुंभारकर (वय ३७ ) ही घराशेजारील एका पत्र्याच्या शेडखाली बसून गावठी हातभट्टीची दारू विकत होती. गोपनीय माहिती मिळाल्यानंतर पोलिसांनी रविवारी (ता. ३) दुपारी १२ वाजता ही कारवाई केली. पोलिसांनी तिच्याकडून २० रुपयांच्या ६९ प्लास्टिक पिशव्यांमध्ये भरलेली एकूण १ हजार ३८० रुपये किमतीची दारू जप्त केली. पोलिसांनी दारूचे नमुने घेऊन उर्वरित दारू जागेवरच नष्ट केली. याप्रकरणी पोलिस हवालदार तुषार लोंढे यांनी तक्रार दाखल केली असून, सुनीता कुंभारकर हिच्या विरोधात गुन्हा दाखल केला आहे.