सासवड, ता. १७ : सासवड (ता. पुरंदर) येथील स्वामी विवेकानंद संस्थेच्या कमलाबाई माणिकचंद मुथा विद्यालयात आकाशकंदील बनविण्याची कार्यशाळा पार पडली. यामध्ये २०० हुन अधिक विद्यार्थ्यांनी सहभाग नोंदवला.
दिवंगत एकनाथकाका जगताप प्रतिष्ठानच्या वतीने हा उपक्रम राबविण्यात आला. उपक्रमासाठी सर्व मुलांना प्रतिष्ठानच्या वतीने आकाशकंदील बनवण्यासाठी लागणारे साहित्य मोफत देण्यात आले. प्रतिष्ठानचे अध्यक्ष संतोष जगताप यांनी या उपक्रमात पुढाकार घेत मुलांना याबाबतची माहिती दिली. मुख्याध्यापिका संगीता काळभोर यांनी या उपक्रमाबद्दल प्रतिष्ठानचे आभार व्यक्त केले. संतोष सोनवणे, स्वाती भोसले, भाग्यश्री जाधव, संदीप गोरे, बाळगोंडा पाटील, प्रतिष्ठानचे हेमंत ताकवले, काजल शिंदे, हर्षदा गौड यांनी यासाठी साहाय्य केले. प्रवीण खैरनार यांनी सूत्रसंचालन करून आभार मानले.