तळेगाव ढमढेरे, ता. २३ : निमगाव म्हाळुंगी (ता. शिरूर) येथील विविध कार्यकारी सहकारी संस्थेच्या अध्यक्षपदी दादाभाऊ रामदास रणसिंग आणि उपाध्यक्षपदी अनिल दादाभाऊ तागड यांची बिनविरोध निवड झाली. निवडणूक निर्णय अधिकारी म्हणून एस. एस. कुंभार व सचिव दिलीप पुणेकर यांनी कामकाज पाहिले.
या संस्थेची पंचवार्षिक निवडणूक ग्रामस्थांच्या सहकार्याने बिनविरोध झाली.
अध्यक्षपदासाठी दादाभाऊ रणसिंग आणि उपाध्यक्षपदासाठी अनिल तागड यांचा एकमेव अर्ज आल्याने दोघांचीही बिनविरोध निवड झाल्याचे निवडणूक अधिकाऱ्यांनी जाहीर केले.

यावेळी विशाल नागवडे, जयराम चव्हाण, दादाभाऊ काळे, भगवान चव्हाण, सचिन नागवडे, रोहिदास रणसिंग, गहीना चौधरी, बाबा रणसिंग, विठ्ठल पवार, जयश्री रणसिंग, शुभांगी चव्हाण आदी उपस्थित होते.
संस्थेचे नवनिर्वाचित अध्यक्ष दादाभाऊ रणसिंग आणि उपाध्यक्ष अनिल तागड यांचा ग्रामस्थांतर्फे सत्कार केला.