तळेगाव ढमढेरे, ता.२५ :कासारी (ता. शिरूर) येथील पाणीपुरवठा करणाऱ्या विहिरीचे विद्युत रोहित्र चोरट्यांनी फोडले होते. याबाबत ‘सकाळ’मध्ये ‘चोरट्यांनी रोहित्र फोडल्याने कासारीकर तहानेने व्याकूळ’ या शीर्षकाखाली मंगळवारी (ता.२५) बातमी प्रसिद्ध झाली होती. त्याची दखल घेत महावितरणने त्वरित रोहित्र बसविले.
बातमीचा परिणाम म्हणून महावितरणचे उपकार्यकारी अभियंता नितीन महाजन, तळेगाव ढमढेरे येथील कनिष्ठ अभियंता श्रीकांत ताटीकोंडा यांच्या विशेष प्रयत्नातून वरिष्ठ कार्यालयाकडे रोहित्र चोरांनी नेल्याचा प्रस्ताव देण्यात आला होता. वरिष्ठ कार्यालयाने तातडीने दखल घेऊन कासारी येथील विहिरीवरील सार्वजनिक पाणीपुरवठा करणारे रोहित्र बसविल्याने ग्रामस्थांनी समाधान व्यक्त केले आहे.
विजेअभावी पाणीपुरवठा योजना बंद होऊन तीव्र पाणीटंचाई निर्माण झाली होती. रोहित्र चोरी झाल्याने अज्ञात चोरट्या विरुद्ध शिक्रापूर पोलिस ठाण्यात महावितरण कंपनीतर्फे फिर्याद दिली होती. दरम्यान, सकाळ बातमीमुळेच रोहित्र तातडीने बसविण्यात आल्याचे सामाजिक कार्यकर्ते हनुमंत नरके, संतोष काकडे व ग्रामस्थांनी सांगितले.
07325
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.