तळेगाव ढमढेरे, ता. २८ : तळेगाव ढमढेरे (ता. शिरूर) मुळेवाडी येथे अखंड हरिनाम सप्ताहाची उत्साहात सांगता झाली. सप्ताहाचे हे २५वे वर्ष साजरे करण्यात आले. येथील गवळीबाबा तरुण मंडळ व ग्रामस्थांतर्फे सप्ताहाचे आयोजन केले होते.
सप्ताहनिमित्त कलश पूजन व विना पूजन करण्यात आले. तसेच, दररोज अखंड वीणा नामस्मरण, काकडा भजन, हरिपाठ, कीर्तन व हरीजागर करण्यात आला. अविनाश साळुंके, बळिराम शिंदे, अश्विनी टाव्हरे यांचे कीर्तन झाले. अच्युत डोंगरे यांच्या काल्याच्या कीर्तनाने सप्ताहाचा समारोप झाला. मुळेवाडी येथील गवळीबाबा तरुण मंडळ, तसेच तोडकर वस्ती, माळवाडी, साळूमाळी वस्ती, गुरव मळा, नरकेवाडी, अंबर मळा येथील ग्रामस्थ सप्ताहासाठी उपस्थिती होते. दररोज रात्री महाप्रसाद देण्यात आला. शिवसेना विभाग प्रमुख नितीन मुळे, नीलेश मुळे, शिवसेना उपविभाग प्रमुख दीपक इंगळे, राहुल मुळे, देविदास मुळे, संग्राम मुळे व ग्रामस्थांनी सप्ताहाचे संयोजन केले.