तळेगाव ढमढेरे, ता.१९ : तळेगाव ढमढेरे (ता. शिरूर) येथील शिरूर कृषी उत्पन्न बाजार समितीच्या महात्मा फुले उपबाजारात सोमवारी (ता.१९) सुमारे २१०० शेळी, बोकड व मेंढ्यांची विक्री झाली, अशी माहिती बाजार समितीचे प्रशासक अरुण साकोरे, सचिव अनिल ढोकले, सहसचिव अनिल ढमढेरे यांनी सांगितली.
बकरी ईद सणामुळे आजच्या बाजारात चांदवाल्या बोकडांना मोठी मागणी होती. कपाळावर चंद्राची पांढरी कोर असलेल्या बोकडाची सुमारे ५० हजार रुपयापर्यंत विक्री झाल्याचे बाजार समितीतर्फे सांगण्यात आले. येथील बाजारात शेळी व बोकडाला १२ हजार रुपये ते ५० हजार रुपयांपर्यंत बाजारभाव मिळाला आहे. तसेच मेंढीला ६५०० ते १५ हजार रुपयांपर्यंत बाजारभाव मिळाला आहे.
बाजारात मेंढपाळ, शेतकरी व पशुपालक पुणे व अहिल्यानगर परिसरातून शेळी, बोकड व मेंढ्या विक्रीसाठी आले होते. येथील बाजारात समाधानकारक बाजारभाव मिळाल्याने पशुपालकांनी समाधान व्यक्त केले आहे. तसेच पुणे, अहिल्यानगर, सातारा, अलिबाग, मुंबई आदी ठिकाणाहून मोठ्या प्रमाणात खरेदीसाठी व्यापारी आले होते.
07507
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.