तळेगाव ढमढेरे, ता.२९: धानोरे (ता. शिरूर) येथे शेतकऱ्यांसाठी कृषी विभागामार्फत शेतामध्ये एक दिवशीय कार्यशाळा आयोजित करण्यात आली होती.
यावेळी हुमणी कीड नियंत्रण, योग्य बेणे निवड व जमीन मशागत पद्धत आणि तांत्रिक मार्गदर्शन कृषी अधिकारी प्रशांत दोरगे यांनी केले. शेतीशाळेत परिसरातील अनेक शेतकऱ्यांनी सहभाग घेतला. जैविक कीडनाशकांचा वापर, विशेषतः ईपीएन. व बीव्हीएनच्या वापराबाबत प्रात्यक्षिक सादर करण्यात आले. तसेच ऊस पिकाच्या योग्य जातींची निवड व जमिनीच्या मशागतीमुळे उत्पादनात होणाऱ्या वाढीवरही चर्चा झाली.
यावेळी काशिनाथ ढमढेरे, सुभाष माशिरे, संभाजी माशिरे, कैलास दरेकर, विजय माशिरे, मधुकर कोंडे, बाळासाहेब माशिरे, सोनबा माशिरे, उमेश ढमढेरे, कैलास दरेकर, बाजीराव भोसुरे, शरद भोसुरे, जालिंदर ढमढेरे आदी शेतकरी व ग्रामस्थ सहभागी झाले होते.
समारोपप्रसंगी शेतकऱ्यांच्या विविध प्रश्नांना तज्ञांनी उत्तरे दिल्याने शेतकऱ्यांचे समाधान झाले.