तळेगाव ढमढेरे, ता. ९ : धानोरे (ता. शिरूर) येथील साहिल सुनील शेळके याने वयाच्या अवघ्या बाविसाव्या वर्षी ‘द इन्स्टिट्यूट ऑफ चार्टर्ड अकाउंट ऑफ इंडिया’ यांच्या वतीने मे २०२५ मध्ये घेण्यात आलेल्या सीए फायनल परीक्षेत ३७० गुण मिळवून यश मिळविले. त्याने ग्रुप एकमध्ये २०० गुण व ग्रुप दोनमध्ये १७० गुण मिळविले आहेत.
साहिल याचे शेतकरी कुटुंब धानोरेसारख्या लहान गावात वास्तव्यास आहे. त्याचे आई- वडील तळेगाव ढमढेरे येथील पांढरीवस्ती जिल्हा परिषद प्राथमिक शाळेत शिक्षक आहेत. त्याचे पहिली ते दहावीपर्यंतचे शिक्षण प्रतिमा पलांडे स्कूल शिक्रापूर येथे झाले असून, अकरावी ते बारावीचे शिक्षण सिम्बॉयसिस कॉलेज पुणे येथे झाले. वाणिज्य शाखेची पदवी पुणे येथील गरवारे कॉलेजमध्ये घेतली आहे. त्याची बहीण आयआयटी मुंबई येथे बी.टेक.चे शिक्षण घेत आहे. त्याच्या यशाचे दौंडचे आमदार राहुल कुल, शिरूर- हवेलीचे माजी आमदार ॲड. अशोक पवार, प्राथमिक शिक्षक संघटनांचे पदाधिकारी व ग्रामस्थांनी विशेष कौतुक करून अभिनंदन केले.
आई- वडील व गुरुजनांचे मार्गदर्शन, तसेच अभ्यासातील सातत्य, जिद्द व चिकाटीमुळे सीए परीक्षेत अतुलनीय यश मिळाले आहे. युवकांनी उच्चशिक्षित होऊन स्पर्धा परीक्षा देऊन, स्वावलंबी बनावे.
- साहिल शेळके
साहिल शेळके
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.