तळेगाव ढमढेरे, ता.६: तळेगाव ढमढेरे (ता. शिरूर) येथील आठवडा बाजारातील मैदानात ग्रामपंचायतच्या ग्रामनिधीतून ध्वनिक्षेपण यंत्रणा बसविण्यात आले. त्याचे पोलिस निरीक्षक दीपरतन गायकवाड यांच्या मार्गदर्शनाखाली पोलिस उपनिरीक्षक राहुल देशमुख यांच्या उपस्थितीत नुकतेच लोकार्पण करण्यात आले.

यावेळी सरपंच स्वाती लांडे, ग्रामविकास अधिकारी राजेंद्र सात्रस, माजी उपसरपंच विशाल आल्हाट, संजय गांधी योजनेचे माजी तालुकाध्यक्ष संदीप ढमढेरे, भरत भुजबळ, जावेद बागवान, माऊली आल्हाट, प्रमोद ढवळे, अमोल घुमे, पोलिस हवालदार शंकर साळुंखे, संदीप कारंडे, पोलिस पाटील पांडुरंग नरके व ग्रामस्थ उपस्थित होते.

ध्वनिक्षेपण यंत्रणेमुळे आठवडा बाजारातील नागरिकांना आणि व्यापाऱ्यांना या माध्यमातून विविध सूचना देण्यात येत आहेत. मोबाईल चोरांपासून सावध रहा, खिसे कापू पासून सावध रहा, वाहतुकीस अडथळा होणार नाही याची दक्षता घ्यावी, कुठलीही वाहने रस्त्यामध्ये उभी करू नयेत, रस्त्यात वाहने उभी केल्यास दंडात्मक कारवाई पोलिसांमार्फत केली जाईल. तसेच ग्रामपंचायतीची घरपट्टी, पाणीपट्टी, गाळे भाडे इत्यादी कराची रक्कम भरणा करून ग्रामपंचायतीला सहकार्य करावे आदी सूचना येथील आठवडा बाजारात ध्वनिक्षेपण यंत्रणेमार्फत देण्यात येत आहेत. या विधायक व सार्वजनिक उपक्रमाचे ग्रामस्थांनी विशेष कौतुक केले आहे.

07857