तळेगाव ढमढेरे, ता.३ : धानोरे (ता.शिरूर) येथे शेतमजुरीसाठी वास्तव्यास असणाऱ्या एका अल्पवयीन आठवीत शिकणाऱ्या मुलाने गळफास घेऊन आत्महत्या केल्याची दुर्दैवी घटना बुधवारी (ता. १) घडली. याबाबत मुलाची आई अर्चना मायप्पा चोभे यांनी शिक्रापूर पोलिस ठाण्यात खबर दिली आहे. मायप्पा चोभे (मुळगाव, वालवड, ता. भूम, जि. धाराशिव,सध्या राहणार धानोरे,ता.शिरूर) यांचा आठवीत शिकणारा मुलगा सार्थक मायप्पा चोभे (वय १५) याने राहत्या घरात पत्र्याच्या अँगलला गळफास घेऊन आत्महत्या केली आहे. अल्पवयीन मुलाच्या आत्महत्येचे कारण अद्याप समजले नसून, पुढील तपास शिक्रापूर पोलिस करीत आहेत.