तळेगाव ढमढेरे, ता. ४ : टाकळी भीमा (ता. शिरूर) येथील विविध कार्यकारी सेवा सहकारी संस्थेच्या अध्यक्षपदी सचिन संपत वडघुले यांची, तर उपाध्यक्षपदी राजेंद्र तुकाराम घुमे यांची बिनविरोध निवड झाली.
निवडणूक अधिकारी म्हणून पी. व्ही. हराळ व श्रीधर हिंगसे यांनी कामकाज पाहिले. अध्यक्षपदासाठी सचिन वडघुले व उपाध्यक्षपदासाठी राजेंद्र घुमे यांचा एकमेव अर्ज आल्याने निवडणूक अधिकाऱ्यांनी दोघांचीही बिनविरोध निवड झाल्याचे जाहीर केले. यावेळी संस्थेचे सर्व संचालक मंडळ उपस्थित होते. निवडीनंतर अध्यक्ष वडघुले व उपाध्यक्ष घुमे यांचा ग्रामस्थांतर्फे सत्कार करण्यात आला.