तळेगाव ढमढेरे, ता. ५ : आगामी काळातही मराठा समाजाच्या न्याय हक्कासाठी राज्यभर फिरणार असून, आरक्षणाचा संघर्ष चालूच ठेवणार आहे असे आश्वासन संघर्ष योद्धा मनोज जरांगे पाटील यांनी दिले.
कोंढापुरी (ता. शिरूर) येथे पुण्याहून आहिल्यानगरकडे रविवारी (ता. ५) जात असताना ग्रामस्थांशी जरांगे पाटील बोलत होते. यावेळी मनोज जरांगे पाटील यांचा कोंढापुरी ग्रामस्थांतर्फे सत्कार करण्यात आला. यावेळी समाजाच्या विविध समस्यांवर जरांगे पाटील यांनी ग्रामस्थांसमवेत चर्चा केली. यावेळी राम ग्रुपचे संचालक डी. एल. नाना गायकवाड, उद्योजक किशोर गायकवाड, ग्रामपंचायतीचे माजी सदस्य दिनेश गायकवाड, रुपेश गायकवाड, अजय स्वामी, शहाजी गायकवाड, श्याम ठोंबरे, राहुल दिघे, रमेश गायकवाड, पोलीस पाटील राजेश गायकवाड, संकेत गायकवाड, ऋषिकेश गायकवाड व ग्रामस्थ उपस्थित होते.