टाकळी हाजी, ता.६ : बेल्हा-जेजुरी राज्यमार्गावर चांडोह (ता. शिरूर) येथे सोमवारी (ता. ३) मध्यरात्रीच्या सुमारास अज्ञात वाहनाने दिलेल्या धडकेत दीपक राधेश्याम गावडे (वय २९, रा. पारगाव, ता. जुन्नर) या तरुणाचा मृत्यू झाला.
टाकळी हाजी येथील शिवाजी बबन साबळे यांनी दिलेल्या फिर्यादीवरून शिरूर पोलिस ठाण्यात अज्ञात वाहन चालकाविरोधात गुन्हा दाखल केला आहे. चांडोह हद्दीत सालकर वस्तीनजीक जेजुरी राज्यमार्गावर दीपक राधेश्याम गावडे (वय २९ ) हे मोटरसायकलवरून जात होते. त्यांना अज्ञात वाहनचालकाने जोरदार धडक दिली. वाहनाच्या जोरदार धडकेत दीपक गावडे या तरुणाचा मृत्यू झाला. शिरूर पोलीसांना घटनेची माहिती मिळताच त्यांनी रात्री घटनास्थळी धाव घेऊन घटनेचा पंचनामा केला. पुढील तपास सहायक पोलिस निरीक्षक अमोल पन्हाळकर हे करत आहेत.
00187