थेऊर, ता. १३ : जिल्हा परिषद व पंचायत समिती निवडणुकीच्या संभाव्य वादळाच्या पार्श्वभूमीवर हवेली तालुक्यातील १२ पंचायत समिती गणाच्या आरक्षणाची घोषणा ‘कही खुशी कही गम’ अशा पद्धतीचे वातावरण निर्माण झाले आहे.
उरुळी कांचन गण अनुसूचित जाती महिलेसाठी आरक्षित झाल्याने इच्छुकांमध्ये निराशा पसरली आहे. पंचायत समिती सभापतिपद यावेळी सर्वसाधारण प्रवर्गासाठी आरक्षित झाल्याने थेऊर, केसनंद, कोरेगावमूळ, खानापूर, आव्हाळवाडी, लोणीकंद व पेरणे या गणातील सर्वसाधारण महिलांना संधी आहे.

हवेलीतील १२ गणांचे आरक्षण
उरुळी कांचन- अनुसूचित जाती महिला, सोरतापवाडी -नागरिकांच्या मागासवर्ग प्रवर्ग, थेऊर- सर्वसाधारण, आव्हाळवाडी- सर्वसाधारण महिला, कदमवाकवस्ती- अनुसूचित जाती, लोणी काळभोर- नागरिकांचा मागासवर्ग प्रवर्ग महिला, केसनंद- सर्वसाधारण, कोरेगाव मूळ- सर्वसाधारण, लोणीकंद- सर्वसाधारण महिला, खेड शिवापूर- नागरिकांचा मागासवर्ग प्रवर्ग महिला, खानापूर- सर्वसाधारण, पेरणे- सर्व साधारण महिला.