थेऊर, ता.७ : अल्पवयीन विद्यार्थिनीचा पाठलाग व छेडछाड करणाऱ्यास लोणी काळभोर पोलिसांनी अटक केली आहे. वैभव संजय शिरवाळे (रा.कदमवाकवस्ती,ता.हवेली) असे अटक करण्यात आलेल्याचे नाव आहे. तर याप्रकरणी पीडिताच्या आईने फिर्याद दिली आहे. एक दिवस शिरवाळे याने त्याच्या इंन्स्टाग्राम अकाउंटवरून अल्पवयीन मुलीच्या अकाउंटवर मला तुझे बरोबर बोलायचे आहे असा मेसेज पाठवला. त्यावर मुलीने तू मला मेसेज करू नकोस. मी तुझ्या चुलत्याला सांगेल असा मेसेज पाठवला होता. पीडित मुलगी शनिवारी सकाळी नेहमीप्रमाणे शाळेत चालली असताना शिरवाळे हा मंदिराजवळ थांबला होता. त्याने मुलीकडे एकटक पाहून तिचा पाठलाग केला. मुलगी अल्पवयीन आहे हे माहिती असताना सुद्धा आरोपीने तिच्या अल्पवयीनपणाचा फायदा घेऊन तिचा विनयभंग केला. ही बाब पीडिताने आईला सांगितल्यानंतर आई मुलीसह पोलिस ठाणे गाठत फिर्याद दिली. पुढील तपास लोणी काळभोर पोलिस करीत आहे.