ओतूर, ता. १८ : पुणे, ठाणे व नगर जिल्हाच्या सरहद्दीवर सह्याद्रीच्या पर्वत रांगेत पुणे आणि ठाणे जिल्ह्यात जोडणाऱ्या नगर कल्याण महामार्गावरील माळशेज घाटात मंगळवारी (ता.१८) सकाळी दरड कोसळली. यामुळे रस्त्यावर मोठ्या प्रमाणात महामार्गावर राडारोडा पसरला. यावेळी येथून जात असलेल्या टेम्पोचे ही थोडे नुकसान झाले. दरड कोसळल्यामुळे येथे एकेरी वाहतूक सुरू झाली आहे.
माळशेज घाट परिसरात गेल्या पाच सहा दिवसांपासून जोरदार पाऊस सुरू आहे. त्यामुळे छोट्या मोठ्या दरडी कोसळत आहेत. दरवर्षीप्रमाणे प्रशासन ही माळशेज घाटातील वाहतूक सुरळीत ठेवण्यासाठी सज्ज आहे. वाहनचालकांनी माळशेज घाटात प्रवास करताना कोठे ही विनाकारण वाहन उभे करू नये. तसेच धुक्या मध्ये लाइट लावून शक्यतो समुहाने एका मागे एक गाड्या पास कराव्या असे आवाहन प्रशासनाकडून करण्यात येत आहे.

04446