ओतूर, ता. ६ : ओतूर (ता. जुन्नर) येथे शनैश्वर जयंतीनिमित्त देवगल्लीतील शनी मंदिरात गाढवे परिवार आणि ओतूर ग्रामस्थांच्यावतीने विविध धार्मिक कार्यक्रमांचे आयोजन केले होते. सकाळी आठ वाजता श्रींच्या प्रतिमेची आणि मांडव डहाळे मिरवणूक काढण्यात आली. त्यानंतर किसन बाबूराव गाढवे यांच्या हस्ते महाअभिषेक करण्यात आला.
दुपारी गुळुंचवाडी येथील शाहीर ठकसेन शिंदे आणि पार्टी यांचा कलगी तुऱ्याचा कार्यक्रम झाला. यावेळी जालिंदर दत्तात्रेय गाढवे यांच्या सौजन्याने महाप्रसादाचे आयोजन केले होते.
सायंकाळी सात वाजता हभप सत्यपाल महाराज (खंजिरी वादक) यांची विनोदी कीर्तन सेवा झाली. शनैश्वर जयंती उत्साहात पार पाडण्यासाठी ओतूर गावचे माजी सरपंच भानुविलास गाढवे, दशरथ गाढवे, जालिंदर गाढवे, उल्हास गाढवे, जगन्नाथ गाढवे, विजय गाढवे, रामदास गाढवे, बापू गाढवे, किरण गाढवे, संदीप गाढवे, आत्माराम गाढवे, शंकर गाढवे, आर. एम. गाढवे, बाजीराव गाढवे, सुरेश रसाळे आणि ग्रामस्थांनी परिश्रम घेतले.