उद्धट, ता. १६ : कर्मयोगी शंकरराव पाटील विद्यालय कुरवली येथील चार विद्यार्थ्यांची आठवी शिष्यवृत्ती परीक्षेत जिल्हा गुणवत्ता यादीमध्ये निवड झाली आहे. श्रावणी निंबाळकर, श्रुती सावंत, वैष्णवी शेंडे, शिवराज कदम या विद्यार्थ्यांनी जिल्हा यादीत स्थान मिळवले. तसेच या विद्यालयाची आतापर्यंत एनएमएमएस परीक्षेतही चांगली कामगिरी राहिलेली आहे. या विद्यार्थ्यांना विशाल तुपे, संतोष कदम, शिवाजी मोरे, बाळासाहेब मोरे, महेमूद मुलाणी, लहू निंबाळकर, रोहिणी रिठे, उमा मोरे या शिक्षकांनी मार्गदर्शन केले. विद्यार्थ्यांच्या यशाबद्दल संस्थेचे अध्यक्ष हर्षवर्धन पाटील, संचालक उदयसिंह पाटील, कर्मयोगी कारखान्याचे संचालक राजवर्धन पाटील, संस्थेचे सचिव किरण पाटील, उपाध्यक्ष मनोज पाटील, नितीन माने, प्राचार्य गणेश घोरपडे आदींनी अभिनंदन केले.