उद्धट, ता २२ : उद्धट (ता. इंदापूर) आंबा, चिंच, जांभूळ, वडपिंपळ तसेच भरपूर ऑक्सिजन देणाऱ्या व फळे असणाऱ्या रोपांची लागवड करण्यात आली.
सामाजिक कार्यकर्ते पर्यावरणप्रेमी विनोद भाऊ थोरात यांच्या वाढदिवसावरील खर्चाला फाटा देत १००० रोपांची लागवड केली. या उपक्रमाला ग्रामस्थांनी भरभरून प्रतिसाद देत कौतुक केले.
दरम्यान, मागील काही वर्षांपासून उद्धट येथील वनराई कमी झाली होती लक्षात घेऊन पर्यावरण प्रेमी विनोद थोरात यांनी समाजाप्रती सद्भावना व पर्यावरण संवर्धन व्हावे यासाठी १००० रोपांची लागवड करण्याचा निश्चय करून तो पूर्ण देखील केला. स्वतःच्या खर्चाने जेसीबी, पाण्याचा टँकर तसेच लागणारी यंत्रसामग्री वापरली व वाढदिवस साजरा केला.
सरपंच रवींद्र यादव सामाजिक कार्यकर्ते राजेंद्र भोसले, सिद्धेश्वर जाधव, प्रदीप थोरात, ज्योतिराम काळभोर, तेजस थोरात, राहुल पवार, सचिन घोलप, प्रवीण यादव, विशाल निकम, उमेश चव्हाण, विजय भोसले, अंकुश चव्हाण इत्यादी यावेळेस उपस्थित होते.