उंडवडी, ता. १३ : बऱ्हाणपूर (ता. बारामती) येथील बारामती कॉलेज ऑफ फार्मसी या महाविद्यालयाने फार्मास्युटिकल शिक्षण क्षेत्रात महत्त्वाची कामगिरी केली आहे. शैक्षणिक वर्ष २०२५-२६ साठी आणखी तीन नव्या विषयांमध्ये एम.फार्मसी अभ्यासक्रमासाठी फार्मास्युटिकल कौन्सिल ऑफ इंडिया (पीसीआय) यांच्याकडून मान्यता प्राप्त केली आहे.
या नवीन विषयांमध्ये फार्मास्युटिकल ॲनालिसिस, फार्माकॉग्नोसी व रेग्युलेटरी अफेयर्स यांचा समावेश आहे. या अगोदरही शैक्षणिक वर्ष २०२४-२५ मध्ये महाविद्यालयाला फार्मास्युटिक्स, फार्माकोलॉजी, फार्मास्युटिकल केमिस्ट्री व फार्मास्युटिकल क्वालिटी अश्युरन्स या विषयांमध्ये एम.फार्मसाठी मान्यता मिळाली होती. आता एकूण सात विषयांमध्ये एम. फार्मसी अभ्यासक्रम एकाच संस्थेत उपलब्ध झाल्याने विद्यार्थ्यांना संशोधन, प्रकल्प कार्य व नव कल्पनांना चालना देण्यासाठी मोठी संधी निर्माण झाली आहे, अशी माहिती महाविद्यालयाचे प्राचार्य डॉ. राजेंद्र पाटील व उपप्राचार्य डॉ. धनंजय घोडके यांनी दिली.