उरुळी कांचन, ता. २२ : उरुळी कांचन (ता. हवेली) येथील साने संगीत जनजागृती लोककला मंचच्या वतीने गुरुवारी (ता. २०) डॉ. बाबासाहेब आंबेडकर यांची जयंती मोठ्या उत्साहात साजरी करण्यात आली.

या निमित्त विविध कार्यक्रमांचे आयोजन करण्यात आले होते. या वेळी बुद्धपूजा वंदना तसेच बुद्ध, फुले, शाहू, शिवराय, आंबेडकर, जिजाऊ, रमाई, सावित्री यांच्या विचारांच्या गीतगायनाचा कार्यक्रम सादर करण्यात आला. या वेळी येथील मूकबधिर शाळेतील विद्यार्थ्यांना कपड्यांचे वाटप करण्यात आले.

या प्रसंगी विलास सांगळे, भीमराव धायवण, वसंत खरात, संस्कृती अंधारे, कशीष बाखकर, रुद्र बाखकर, सुलतान तांबळे, ज्ञानेश्वर ओव्हाळ, नीलेश जावळे, रेखा साने, नीलिमा कांबळे आदी मान्यवर उपस्थित होते. अरविंद शिंदी, प्रभाकर ढगे यांनी सूत्रसंचालन केले, तर शिवराज साने यांनी आभार मानले.

००७९८