उत्रौली, ता. १६ : आंबाडे (ता. भोर) येथील जानुबाई मंदिराजवळील गुरुखीच्या ओढ्यात शनिवारी (ता. १३) सकाळी १० ते दुपारी ३ वाजेपर्यंत श्रमदानातून वनराई कच्च्या बंधारा तयार केला. यासाठी पुणे येथील पर्वती, इंदिरा नगर सेवा केंद्रातील २० साधकांनी जगद्गुरू रामानंदाचार्य नरेंद्राचार्य महाराज यांच्या संकल्पनेतून ग्रामस्थांच्या मदतीने पुढाकार केला.
दरम्यान, संस्थान मार्फत हा उपक्रम महाराष्ट्रात रविवार (ता. ७) ते रविवारपर्यंत (ता. २१) राबवण्यात येत आहे. आतापर्यंत ५०० पेक्षा जास्त बंधारे महाराष्ट्रात बांधण्यात आले आहेत. तसेच, संस्थांमार्फत सामाजिक, शैक्षणिक, वैद्यकीय, कृषीविषयक उपक्रम अनेक वर्षांपासून मोफत राबविले जात आहेत. या बंधाऱ्यात साठलेल्या पाण्याचा वापर जनावरे व शेतीला होणार आहे. याशिवाय भूजल पातळीत वाढ होणार असल्याने साधक, ग्रामस्थ, शेतकऱ्यांनी समाधान व्यक्त केले.