उत्रौली, ता. २१ : उत्रौली (ता. भोर) येथे किर्वे परिवारातर्फे श्री स्वामी समर्थ महाराजांचा प्रकटदिन उत्साहात पार पडला. यानिमित्त स्वामीसुत विरचित प्रकटकांड वाचन, महारुद्र हवन, दुग्धाभिषेक, होमहवन, गणपती अथर्वशीर्ष, श्रीसुक्त आवर्तने, महिलांचे महारुद्र पठण या कार्यक्रम आयोजन करण्यात आले.
शुक्रवारी (ता. २०) पहाटे श्रींच्या मूर्तीला दुग्धाभिषेक करण्यात आला. श्री स्वामी समर्थांच्या पादुका आणि प्रतिमेस आकर्षक सजावट करण्यात आली. केंद्रामार्फत उत्रौली येथील जिल्हा परिषद प्राथमिक शाळेत रांगोळीकार सुयोग खाडे यांची कार्यशाळा तसेच जिल्हा परिषदेच्या तीन शाळांना वर्तमानपत्र सुरू करण्यात आली.
सायंकाळी भाविकांच्या उपस्थितीत महाराजांच्या आरतीचा सोहळा पार पडला. भाविकांनी महाप्रसादाचा लाभ घेतला. दीपाली खाडे, रोहन किर्वे, नम्रता किर्वे, योगेश मल्हारी, आकाश शिंदे, हेमंत खाडे, योगेश शेडगे आणि ग्रामस्थांनी नियोजन केले. या प्रसंगी स्वामी महाराजांचे सेवेकरी, भाविक उपस्थित होते. स्वामींची नित्यसेवा रोहन किर्वे यांच्या हस्ते करण्यात येते.