उत्रौली, ता. २७ : वीसगाव (ता. भोर) खोऱ्यात शुक्रवारी (ता. २७) सायंकाळी सहाच्या सुमारास विजांच्या कडकडाटासह अवकाळी पाऊस झाला. सध्या वीसगाव खोऱ्यात ज्वारी, गहू, कांदा काढणी अंतिम टप्प्यात आहे. बऱ्याच शेतकऱ्यांनी ज्वारी, गहू काढून शेतात वाळवण्यासाठी ठेवल्याने ज्वारी आणि गहू भिजल्याने मोठ्या प्रमाणात नुकसान झाले आहे. तसेच कांदा भिजल्याने खराब होण्याची शक्यता जास्त आहे. स्थानिकांनी दिलेल्या माहितीनुसार वरोडी खुर्द, वरोडी बुद्रुक, वरोडी डायमुख, आंबाडे, खानापूर या परिसरात पाऊस झाल्याने धान्य, जनावरांचा चारा भिजल्याने शेतकऱ्यांचे नुकसान झाले आहे.