उत्रौली, ता. ३१ : वडगाव डाळ (ता.भोर) येथे झालेल्या वादळी पावसामुळे नागरिकांचे आणि बळीराजाचे अतोनात नुकसान झाले आहे. निसर्गाच्या या अवकृपेमुळे अनेक कुटुंबांसमोर मोठे संकट उभे राहिले आहे. या नुकसानीची जिल्हा परिषद सदस्या स्वरूपा थोपटे यांनी पाहणी केली तसेच बाधित कुटुंबांना अन्नधान्य किटचे वाटप करण्यात आले.
यावेळी थोपटे यांनी पावसामुळे घरांवरील उडालेली छपरे, शेतीचे झालेले नुकसानीची संबंधित विभागाच्या अधिकाऱ्यांनी तात्काळ पंचनामे पूर्ण करून शासनाकडून जास्तीत जास्त मदत मिळवून देण्याचे निर्देश दिले.
याप्रसंगी तहसीलदार राजेंद्र नजन, पंचायत समिती सदस्या सुषमा चव्हाण, सहायक कृषी अधिकारी प्रथमेश दोडके, सुधीर खोपडे, संदीप गायकवाड, सागर बर्के तसेच ग्रामस्थ उपस्थित होते.

00461