उत्रौली, ता.२८ : उत्रौली (ता.भोर) येथे पहिलीत दाखल होणाऱ्या बालकांसाठी मंगळवारी (ता.२८)
शाळापूर्व तयारी मेळाव्याचे आयोजन केले होते. यावेळी विद्यार्थ्यांचे औक्षण करून त्यांचे गुलाबपुष्प देऊन स्वागत करण्यात आले.
मेळाव्यात विद्यार्थ्यांच्या मानसिक, शारीरिक, बौद्धिक, गननपूर्व क्षेत्रांची चाचपणी करण्यासाठी मुलांचे पालक, ग्रामपंचायत, शाळा व्यवस्थापन समिती, अंगणवाडी, शाळा यांच्यात समन्वय साधत विद्यार्थ्यांच्या मनाची तयारी करण्याकरिता मेळाव्याचे आयोजित केल्याचे मुख्याध्यापिका सविता चोरघे यांनी सांगितले.
दरम्यान, शालेय सर्वेक्षणात २३ मुले दाखलपात्र होती. प्रत्यक्षात पंचक्रोशीतील ५५ विद्यार्थ्यांनी प्रवेश घेतला.
या प्रसंगी पूनम शिंदे, राणी शिवतरे, अनिता सुतार, अमर उभे, शिक्षक, विद्यार्थी, पालक उपस्थित होते.

00515