वडगाव निंबाळकर, ता. २७ : कोऱ्हाळे बुद्रुक (ता. बारामती) येथे जनजागृतीद्वारे सरकारी योजनांची माहिती जनतेपर्यंत पोहोचवणे तसेच परिसरात केलेल्या कामाचा आढावा घेण्यासाठी भाजप पदाधिकाऱ्यांची बैठक येथे नुकतीच पार पडली.
यावेळी ओबीसी मोर्चा प्रदेश उपाध्यक्ष डॉ. अर्चना पाटील यांनी कार्यकर्त्यांकडून काम करताना येणाऱ्या अडीअडचणी समस्यांची माहिती घेतली. मोदी सरकारने पीएम किसान योजनांच्या माध्यमातून शेतकऱ्यांना खात्यात थेट दरवर्षी सहा हजार रुपये जमा होतात. त्यामुळे शेतकऱ्यांना आर्थिक मदत होत आहे. तसेच पंतप्रधान मुद्रा योजनाअंतर्गत बिगर कॉर्पोरेट बिगर कृषी लघु किंवा सूक्ष्म उद्योगांशी संबंधित लोकांना दहा लाख रुपयांची कर्ज दिले जाते. तसेच आयुष्यमान भारत, प्रधानमंत्री आवास योजना, उज्वला योजना, प्रधानमंत्री जनधन योजना आदींचाआढावा यावेळी घेतला.
यावेळी शिवसेनेचे पुणे जिल्हा उपप्रमुख देवेंद्र बनकर, यशवंत ब्रिगेडचे अध्यक्ष बापूराव सोलनकर, भाजप ओबीसी मोर्चाचे पुणे जिल्हा उपाध्यक्ष अशोक खामगळ, उदय पेशवे, अंजली खजिनदार, विनोद खोमणे, जागृती बुराडे, प्रशांत लव्हे, सागर धापटे, उमेश गायकवाड, पृर्थ्वीराज नलावडे, मनोज खोमणे, नंदू खोमणे, चेतन सोलनकर इत्यादी प्रमुख पदाधिकारी उपस्थित होते.

01779