वडगाव निंबाळकर, ता. १२ : वीज बिलाची थकबाकी मागणीसाठी आलेल्या वीज कर्मचाऱ्याला मारहाण केल्याप्रकरणी उंडवडी सुपे (ता. बारामती) येथील शरद यदू गवळी यांच्यावर सरकारी कामात अडथळा आणल्याचा गुन्हा नोंदविण्यात आला आहे.
याबाबत संदीप बाळासाहेब भापकर (वरिष्ठ तंत्रज्ञ शाखा क्र. १, रा. साबळेवाडी-शिर्सुफळ ता. बारामती) यांनी पोलिसांकडे फिर्याद नोंदवली आहे. फिर्यादी हे वीज बिल वसुलीसाठी आरोप ठेवण्यात आलेल्या शरद गवळी यांच्या घरासमोर आले. त्यांनी, ‘फेबुवारी व मार्च २०२३ या महिन्याचे १८०० रुपये वीजबिल थकबाकी आहे ते तुम्ही भरा, अन्यथा आपला वीजपुरवठा खंडित करण्यात येईल,’ असे सांगितले. मात्र. त्या कारणावरून आरोपीने त्यांना शिवीगाळ दमदाटी करून मारहाण केली.