वडगाव निंबाळकर, ता. ९ : टीव्ही चॅनलवर नुकत्याच झालेल्या बिग बॉस स्पर्धेतील विजेता ठरलेल्या सूरज चव्हाणला भेटायला आलेल्या राहुल कांतिलाल बोराडे (रा. रांजणगाव, ता. शिरूर) यांना मारहाण केल्याप्रकरणी चौघांवर वडगाव निंबाळकर पोलिस ठाण्यात गुन्हा नोंदविला आहे. तुकाराम सदाशिव खोमणे, शुभम तुकाराम खोमणे, गौरव धोंडीबा खोमणे, ऋषीकेश वैभव नानावटे (सर्व रा.मुर्टी ता.बारामती) अशी गुन्हा दाखल झालेल्यांची नावे आहेत. सोमवार (ता. ७) रात्री हा प्रकार घडला. मुर्टी मोडवे येथे सूरजला भेटायला फिर्यादी राहुलसह मित्र गेले. येथील मरीमाता मंदिराच्या पाठीमागे फिर्यादी गेले असता चौघांनी तुम्ही भेटायला का आला, असे म्हणत लाकडी दांडक्याने मारहाण केल्याचे फिर्यादीत म्हटले आहे.