वडगाव निंबाळकर, ता. २८ : ‘‘मुस्लिम बांधव रमझान महिन्यात कुरान पठण करतात, प्रवचन ऐकतात, उपवास करतात, जास्तीत जास्त पुण्य (नेकी) मिळवण्याचा प्रयत्न करतात. निष्ठेने केलेले काम फलदायी ठरते,’’ असे मत वडगाव निंबाळकर(ता. बारामती) पोलिस ठाण्याचे सहाय्यक पोलिस निरीक्षक सचिन काळे यांनी व्यक्त केले.
वडगाव निंबाळकर पोलीस ठाण्याच्या वतीने येथील मशिदीमध्ये इफ्तार पार्टी आयोजित केली होती. त्यावेळी काळे यांनी मुस्लिम बांधवांशी संवाद साधला. उपवास पूर्ण करणाऱ्या बांधवांचे कौतुक करून त्यांनी शुभेच्छा दिल्या. ते म्हणाले, ‘‘आपल्या आजूबाजूला काही अघटित घडत असेल तर त्वरित पोलिसांची संपर्क साधावा. आपल्या तक्रारींची योग्य दखल घेतली जाईल.’’
यावेळी अजित मनेर, शाबुद्दीन मनेर, सिकंदर भालदार, राजमहम्मद आतार, टिपू भालदार, अनसर बागवान, चांद बागवान, इक्बाल शेख, सलमान पठाण, सादिक बागवान, कय्यूम पठाण, जहाँगीर शेख उपस्थित होते.